إلى متى ستبقى “لادجيد” تصمت عن بيادق يتكلمون باسمها ويرعبون الناس في الخارج محمد الشرادي عامل النظافة ب”فوري” نموذج

الأخبار المغربية/ عبدالمجيد مصلح

سنحاول اليوم التحدث إلى الرأي العام بلغة يفهمها الخاص والعام ويفهمها مغاربة العالم باعتبارها هي اللغة الثالثة القريبة من الفهم وغير العصية على الجميع، في الحقيقة كثرو علينا الوطنيين والمخلصين لي كيموتو على البلاد ولكن مازالين أحياء وعمرهم ما جاهدوا لا وقت الاستعمار ولا ملي ظهرو عندنا الخونة ديال بصح، هما وطنيين مصاحبين مع ناس ديال البوليس وكاين منهم كاع لي ولا بوليسي بلا ميداليات ومشا بعيييد حتى ولا يقولها نيشان وهو عمرو ماقرا حتى يومين لامساطير ولاقانون ولا حتى عرف يفرق مابين العميد والضابط والملازم، هاد الناس في الحقيقة طغاو بزاااف وكترو علينا بزااااف واليوم غادي نتكلمو على واحد منهم فبلجيكا خدام فالنظافة فمقاطعة “فوري” (ماشي عيب) هو كيجمع الزبل مع واحد الشركة معروووفة، وعندو ولد عمو حامي ظهرو ومضسرو حتى ولا يهدد ناس ديال جوامع فمقاطعة “فوري” وحطو عليه مراسلة سرية فبلجيكا راها شادا طريق ديالها …
هاد السيد لي خدام فكاميو ديال زبل كيقول لمغاربة ديال بلجيكا أنا خالي خدام ف”لادجيد” ونا كلمتي مكاطيحش للأرض وكندخل لسفارة كما بغيت وناس تما ضاربين ليا 1000حساب ولي هز الراس نحيدو ليه (…).

هاد المواطن كان في إسبانيا وكان عندو مشكل مع واحد السيد، هاد الموضوع غادي نرجعو ليه وندوزو نيشان لهولندا لمسجد المحسنين باش نشرحو ليكم شكون هاد البطل ديال “لادجيد” لي خدام فكاميو ديال زبل وكيقوليهم أنا عبدالله بوصوف لي قلت ليه كيديرو وكيخلصني حيت كندافع عليه فجورنال ديالي، هاد القاصح لوجه زبال ولا صحافي ولابوليسي ولا بودي كارد ولا شنو، لاحول ولا قوة الا بالله.
المهم ملي مشينا حفرنا على هاد المنتحل للمهن والوظائف لقيناه كااااان كيهز لكاميرا لشي واحد وكان عندهم شي مشكل ديال واحد صاك تسرق من شي برلمان وباقا القضية ماسالات المهم غادي نعاودو ليكم هاد الفيلم من بعد.

كما كتشوفو هاد البطل مشارك فبزاف ديال الأفلام والمسلسلات ديال لخواض ولكن لي كيهمنا دبا هو شكون هاد البوليسي لي كيحرشو على المواطنين ديال الخارج واش القضية فيها إن ولا هاد المواطن سخن عليه راسو وبغا يشوه إدارة الأمن فلخارج، المطلوب دبا هو خاص الرأي العام فبلجيكا خاصة ناس ديال “فوري” لي دارو شكاية سرية بهاد مول الزبل، يعرفو واش ولات السيبة واحد يرعب الناس ويهدد صحاب جوامع ويقول ليهم أنا صحفي تلفي وخدام مع وزارة الأوقاف وكنتخلص ب 4000  أورو واش مابقا لامخزن وهاد شي ماشي كيضر بالعلاقات المغربية البلجيكية فمجال الأمن …..فلحقيقة إدارة الأمن هي مسؤولة باش ترجع الهيبة ديالها وتحبس هاد الشووووهة ديال هاد البيادق، وقريبا غادي نشرو داك البيان لي سيفطوه ناس ديال بلدية  “فوري” لي كيحكم فيها هاد مول زبل، صاحب بوصوف ول….. ون…….وع…..وناس آخرين غادي نعرفوهم لاحقا إن شاء الله وإلى الحلقة القادمة .

قد يعجبك ايضا
Loading...